Am erste Tag nachdem mer alli am morge früeh abgholt worde sind und alli de richtig bus gfunde hend, simmer in Nambung National Park gange wommer ide Pinnacles Wüeschti gsi sind. Es isch ganz gäle sand mit ganz spezielle steiforme, gformt über tuusigi vo jahr. Es git au mega spannendi Aboriginal gschichte drüber wie das alles entstande isch.
Scho det hemmer mega schnell gmerkt dasses e sehr heissi aber laessigi tour wird. D Tourguide(in) und Fahrerin oder wiemmer will sege hät Chrissy gheisse. U e luschtigi und eifach immer guet druf und hät es riese Wüsse über alles (Natur, Ort, Tier...) und immer en witz parat =) Sie isch immer mit ihrem Maskottchen em Teddy ?Waffles? underwegs wo sie mal vonere Grupee becho hät =) Mir hend ihre denn als Souvenir es Tshirt gschänkt für de Bär.
Nach dere Wüeschti simmer nach Jurien Bay wommer u en schöne strand gfunde hend mit riese sand düne nebetdra. Det hät mer choene abe ?sandboarde? was noed ganz ungförlich gsi isch und mer hät nacher de sand überall gha =) Wenn ich vo Stränd rede ade Westküste mussmer sich eifach immer en total abglägne mit fascht kei lüt vorstelle. Eifach natur pur, kristall blaus und klars wasser und wiisse sand...es paradies...
Am schluss vom Tag simmer denn nach Geraldton und denn nach Horrocks gfahre wommer denn übernachtet hend. (Lueged sust mal ufde Charte, eifach alles de Küschte entlang ufe).
D unterkünft sind meischtens so Hostel gsi oder ufere Farm oder sust bi lüt wo so mit Western Xposure zeme schaffed. Det hemer ois denn amig eifach ufd zimmer ufteilt. So z reise isch u interessant gsi well mer lernt u viel australier kenne wo eim lönd bi ihne wohne und alles...kochet hemmer immer alli zeme ufem bbq praktisch eifach sone heissi platte, wie e riese herdplatte. Zum zmittag haemmer immer sandwich oder wraps gha und am abig kochet. Bin no überrascht gsi wie viel verschiedeni sache mer so chan choche, nur uf dere platte und mit dem wo eim zur verfüegig staht =) Vo simple Spaghetti bolognese ueber chicken thai curry und klassischs bbq mit fleisch und fisch oder hamburger und vieles meh.